Institutt for helse-, sosial- og velferdsfag
Institutt for helse-, sosial- og velferdsfag driv bachelorutdanningene i vernepleie og i barnevern, masterutdanninga samfunn og helse. Vi tilbyr etter- og vidareutdanningar mellom anna innan oppvekst, barn og unge, rus og psykisk helse, evaluering og folkehelse, tannpleie og helsefremmande arbeid.
Masterutdanninga i samfunn og helse har fire studieretningar, som reflekterer kjernekompetansen i instituttet:
- Psykisk helse og rus
- Helsefremmande arbeid
- Førebyggande arbeid med barn og unge
- Funksjonshemming og samfunn
Instituttet har òg eit fagmiljø i samskaping og sosial innovasjon som bidrar vesentleg inn i utdanningane.
Forsking
Institutt for helse-, sosial- og velferdsfag forskar på fagområda vi utdannar innanfor, herunder:
- Recovery og samarbeidsforsking i psykisk helse- og rusarbeid
- Samskaping, sosial innovasjon og sosialt entreprenørskap i velferdssamfunnet
- Folkehelsearbeid og helsefremmande arbeid i nærmiljø/lokalsamfunn, oppvekstarenaer, arbeidsliv og politikk
- Endringsprosessane og tenestene i velferdsstaten til usatte grupper
- Barn og unges levekår i oppvekst og utdanning
Forskingsgruppene våre utviklar forskingsbasert kunnskap særleg om korleis menneske i utsette livssituasjonar kan ta eigne ressursar i bruk, og om korleis samfunn og tenester kan innrettast for å fremje helse, velferd og menneskerettar. Forskingsgruppene bidreg også til høg kvalitet i utdanningane, og våre uteksaminerte studentar har kompetanse som er etterspurd i arbeidslivet.
Instituttet har følgjande forskingssenter og forskingsgrupper:
- Senter for psykisk helse og rus
- SESAM – Senter for sosialt entreprenørskap og samskapende sosial innovasjon
- HENÆR – Helsefremmende arbeid i nærmiljø
- Oppvekst og utdanning
- Funksjonshemming og inkludering
Regionalt samarbeid
Vi legg stor vekt på å samarbeide med både offentlege, frivillige og private aktørar i vår region. Vi samarbeider med praksisfeltet, arbeidsgivarar, frivillige organisasjonar, personar med eigenerfaring og andre for å møte ulike former for kompetansebehov, mellom anna gjennom forskings-, evaluerings- og rettleiingsoppdrag, og skreddarsaum av etter- og vidareutdanning. Gjennom langvarig og godt samarbeid med offentlege og private aktørar har vi ein unik tilgang på relevante praksisstader i tenester til funksjonshemma, i barnevern og innan psykisk helse- og rusarbeid.
Vi tilbyr òg evaluering, rettleiing, og kompetansestøtte i innovasjons- og utviklingsprosessar. Vi deltar som samarbeidspartnarar i kompetanse- og kunnskapsutvikling, til dømes i forskingsprosjekt. Vi har kompetansesenter i barnevern og i sosial innovasjon, som jobbar utoverretta med kompetanseutvikling og samskaping.
Våre langsiktige ambisjonar
- Å danne og utdanne menneske som fremjar helse, velferd og menneskerettar
- Å førebu studentar på krav og forventningar dei vil møte som tilsette i arbeidslivet generelt og i helse-, sosial- og velferdstenester spesielt
- Å bidra til systematisk kompetanseutvikling innan alle våre fagområde
- Å bidra til inkludering i samfunns- og arbeidsliv
- Å utvikle og ta i bruk erfaringskunnskap i utdanning, forsking og innovasjonsarbeid
- Å styrkje den forskingsbaserte kunnskapen om samanhengar mellom politiske avgjerdsprosessar, samfunnsutvikling og endringsprosessar i helse-, sosial- og velferdstenester
- Å styrkje den forskingsbaserte kunnskapen om sosial forskjell og folkehelsearbeid lokalt og nasjonalt
- Å engasjere oss i samfunnsdebatten gjennom ulike formidlingskanalar i saker der vi har relevant kompetanse
Gjennom realisering av ambisjonane beskrive over, vil vi bidra til sosial, økonomisk og økologisk berekraft i nyskapande samarbeid og samskaping med aktørar i arbeids- og samfunnsliv regionalt, nasjonalt og internasjonalt.